I produksjonsavdelinga vår i Arbeidergata 1 i Oslo arbeider 10 tilsette på sy- og teiknestova med å produsere bunader.

Her blir bunadproduksjonen overvaka frå start til slutt med måltaking, påteikning og klipping, til saum, tilpassing og montering. Dei tilsette har fagbrev eller meisterbrev innanfor fagfelt som bunadtilverking, tilskjering, kjole- og draktsaum, herre- og dameskreddarfaget, konfeksjonsteknikk og tekstilformgiving. Fleire har dessutan etterutdanning i «Drakt og samfunn» i regi av Institutt for bunad og folkedrakt/NTNU.

Ønskjer du å sy bunaden eller bunadskjorta di sjølv, lager vi materialpakkar til ei rekke av landets bunader og bunadskjorter. Ta gjerne kontakt med oss på Teiknestova@heimenhusfliden.no for å finne ut om vi har materialpakke til din bunad eller bunadskjorte.

Ein bunad er eit staseleg praktplagg, så brodering og saum av materialpakkane våre krev at du har gode broderings- og saumkunnskapar.